Help Center CR

ᐊᓂᑎᐦ ᒑ ᒌᐦ ᐅᐦᒋ ᐐᒋᐦᐄᑭᐎᔨᓐ

ᒥᓯᐙ ᐊᔨᒧᐙᑭᓂᔥᐦ

1. ᒑ ᐲᐦᑎᐦᐋᒥᓐ ᐊᓐ ᐄᔨᔨᐤ ᒧᐹᔨᓪ ᑳ ᐲᐦᑎᐦᐄᑭᓂᐎᒡ ᐊᔨᒧᐙᑭᓂᔑᐦᒡ ᒑ ᒌᐦ ᐅᐦᒋ ᒋᔅᒑᔨᐦᑖᑯᓯᔨᓐ (SIM card) ᑭᔮᐦ ᒑ ᐋᐱᐦᐋᒥᓐ ᐊᓐ ᒋᑎᔨᒧᐙᑭᓂᔥ᙮

2. ᒑ ᐋᐱᐦᐋᒥᓐ ᐊᓂᑎᐦ ᐙᐦᒋ ᓈᓂᑎᐙᐱᐦᑎᒥᓐ ᒑᒀᓐ ᒋᑎᔨᒧᐙᑭᓂᔑᐦᒡ ᑭᔮᐦ ᐅᑖᐦ ᒑ ᐄᔅᐱᔨᔨᓐ eeyoumobile.com/my/lte ᐊᓂᑖᐦ ᐋᐦ ᐄᐦᑎᑯᐦᒡ ᐄᔨᔨᐤ ᒧᐹᔨᓪ ᐋᑯᑖᐦ ᒑ ᐄᔅᐱᔨᒡ ᐋᐦ ᐅᐦᒋ ᐐᒋᐦᐋᑭᓂᐅᐎᒡ ᐊᓂᒌ ᐃᔮᐱᒋᔥᑖᒡ ᐅᔮ᙮ ᐋᑳ ᐃᐦᑎᑯᐦᒑ ᐊᓂᑎᐦ ᐋᐦ ᐅᐦᒋ ᓈᓂᑎᐙᐱᐦᑎᑭᓂᐎᒡ ᒑᒀᓐ, ᐋᐅᒄ ᐆ ᒑ ᐋᐱᐦᐋᒥᓐ ᓂᑐᐙᐱᐦᒋᑭᓐ ᐋᐦ ᐋᐱᒋᔥᑖᔨᓐ eeyoumobile.com/my/lte᙮

3. ᒑ ᐋᐱᐦᐋᒥᓐ ᐊᓐ ᒫᒀᒡ ᐃᔮᐱᒋᔥᑖᔨᓐ ᐄᔨᔨᐤ ᒧᐹᔨᓪ ᐋᐦ ᐅᐦᒋ ᒋᔅᒑᔨᐦᑖᑯᓯᔨᓐ ᑭᔮᐦ ᒫᒃ ᐋᐦ ᐅᔥᑳᒡ ᒑ ᐅᔑᐦᑖᔨᓐ᙮

4. ᒑ ᐲᐦᑎᑖᐱᔨᐦᑖᔨᓐ ᐊᓂᐦᐄ ᐊᒋᔅᑖᓱᓐᐦ 10 ᐋᐦ ᐄᑎᐦᑎᐦᒡᐦ ᑳ ᒥᔨᑭᐎᐎᔨᓐ (SIM card) ᐊᓂᑎᐦ ᒑ ᒌᐦ ᐅᐦᒋ ᒋᔅᒑᔨᐦᑖᑯᓯᔨᓐ ᐋᐦ ᐃᐦᑎᑯᐦᒡ᙮ 1

5. ᐃᔮᒄ ᒑ ᒌᐦ ᐎᔮᔨᐦᑎᒥᓐ ᐊᓂᑖᐦ ᐙᐦ ᐄᔑ ᑎᐱᐦᐄᒑᔨᓐ (Mobile Plan) ᑭᔮᐦ ᒑ ᒌᐦ ᐋᐱᒋᔥᑖᔨᓐ ᐊᓐ (Mobile Wallet) ᑳ ᐄᔑᓂᐦᑳᑖᒡ ᐊᑎᑎᐤ ᐐᐦ ᑎᐱᐦᐄᒑᔨᓈ ᐅᐦᒋ ᑯᑎᒡ ᒋᔅᒑᔨᐦᑎᒧᐎᓐ ᐐᐦ ᐋᐱᒋᔥᑖᔨᓈ ᑭᔮᐦ ᐊᑎᑎᐤ ᒥᐦᒑᑐ ᒥᓂᑯᔑᔑᒡ ᐐᐦ ᑎᐱᐦᐅᑣᐙ ᓈᐅᔥ ᒑ ᒌᐦ ᐋᐱᒋᔥᑖᔨᓐ ᒋᑎᔨᒧᐙᑭᓂᔥ ᑭᕃᑎᑦ ᑳᕐᑦ ᐋᐦ ᐋᐱᒋᔥᑖᔨᓐ᙮

6. ᔓᐎᔮᓐ ᐐᐦ ᑎᐱᐦᐄᑳᒑᔨᓈ, ᒑ ᓂᑎᐙᐱᒥᑦ ᐊᓐ ᒋᑎᐦᑖᐎᓂᐙᐦᒡ ᐃᔮᐱᑎᓰᑦ᙮

ᒑ ᐅᐙᔑᐦᑖᔨᓐ ᒑ ᐃᐦᑐᑎᑭᓂᐎᒡ ᒑ ᐄᔥᐱᔑ ᒋᔑᐱᔨᒡ ᐋᐦ ᓈᓂᑑᒋᔅᒑᔨᐦᑖᑯᐦᒡ ᒑᒀᓐ ᐊᓂᑎᐦ ᒋᑎᔨᒧᐙᑭᓂᔑᐦᒡ Android ᑳ ᐄᔑᓂᐦᑳᑖᒡ

1. ᐊᓂᑖᐦ ᒑ ᐄᔅᐱᔨᔨᓐ Settings ᑳ ᐄᒋᔥᑖᒡ

2. ᑖᓐ ᒥᒄ ᐋᔑᓈᑯᓂᒀ ᐊᓐ ᒋᑎᔨᒧᐙᑭᓂᔥ Android ᑳ ᐄᔑᓂᐦᑳᑖᒡ:

  • ᒑ ᑖᐦᑭᐦᐋᒥᓐ More ᑳ ᐄᒋᔥᑖᒡ, ᒦᓐ ᐊᓐ Mobile Network ᑳ ᐄᒋᔥᑖᒡ, ᑭᔮᐦ ᒫᒃ
  • ᒑ ᑖᐦᑭᐦᐋᒥᓐ Wireless Networks, ᒑ ᑖᐦᑭᐦᐋᒥᓐ More ᐃᔮᒄ ᒦᓐ Mobile Networks, ᑭᔮᐦ ᒫᒃ
  • ᒑ ᑖᐦᑭᐦᐋᒥᓐ Network & Internet, ᐃᔮᒄ ᒦᓐ Mobile Network, ᑭᔮᐦ ᒫᒃ
  • ᒑ ᑖᐦᑭᐦᐋᒥᓐ Network & Internet, ᐃᔮᒄ ᒦᓐ Mobile Network, ᐃᔮᒄ ᒦᓐ Advanced

3. ᒑ ᑖᐦᑭᐦᐋᒥᓐ Access Point Names, ᐃᔮᒄ ᒦᓐ Add ᑭᔮᐦ ᒫᒃ +

4. ᒑ ᐲᐦᑎᑖᐱᔨᐦᑖᔨᓐ ᐊᓐ ᒑᒀᓐ ᓈᑎᐙᔨᐦᑖᑯᐦᒡ, ᓂᒥ ᒋᑭ ᐱᒫᔨᐦᑖᓐ ᐊᓂᐦᐄ ᑯᑎᒃᐦ:

Name: Eeyou Mobility

APN: apn.em.com

MMSC: http://mms.eeyoumobility.com/

MMS proxy: mms.eeyoumobility.com

MMS port: 80

5. ᒑ ᑖᐦᑭᐦᐋᒥᓐ More ( Android ᐄᔑᓂᐦᑳᑖᒑ 7 ᑭᔮᐦ ᒫᒃ 8, ᒑ ᑖᐦᑭᐦᐋᒥᓐ ᐊᓐ ᓈᑎᐙᔨᐦᑎᒥᓐ), ᐃᔮᒄ ᒦᓐ Save

6. ᒑ ᑖᐦᑭᐦᐋᒥᓐ/ᒑ ᐋᐱᐦᐋᒥᓐ ᐊᓐ ᑳ ᐅᔥᑳᒡ ᐄᓯᓂᐦᑳᓱᐎᓐ ᑳ ᐅᔑᐦᑖᔨᓐ

7. ᐋᑳ ᑏᐙᐦᒡ ᐋᐱᐦᐄᐱᔨᒑ ᐊᓐ ᓈᑎᐙᔨᐦᑎᒥᓐ, ᒑ ᒋᐱᐦᐋᒥᓐ ᑭᔮᐦ ᒦᓐ ᒑ ᐋᐱᐦᐋᒥᓐ ᒋᑎᔨᒧᐙᑭᓂᔥ

1. ᐋᔑᓈᑯᐦᒡ ᐊᓐ iPhone ᐊᔨᒧᐙᑭᓂᔥ ᒫᒀᒡ ᐋᔮᔨᓐ:

  • ᒑ ᑖᐦᑭᐦᐋᒥᓐ: Settings – Cellular – Cellular Data Options – Cellular Data Network – APN᙮
  • ᒑ ᑖᐦᑭᐦᐋᒥᓐ: Settings – Cellular – Cellular Data Network – APN᙮
  • ᒑ ᑖᐦᑭᐦᐋᒥᓐ: Settings – Mobile Data – Mobile Data Options – Mobile Data Network – APN᙮

2. ᒑ ᐲᐦᑎᑖᐱᔨᐦᑖᔨᓐ ᐆ ᐄᔨᔨᐤ ᒧᐱᓕᑏ ᐐᐦᑎᒫᒑᐎᓐ APN ᑭᔮᐦ MMS ᐋᐦ ᐋᐱᑎᐦᒡ:

Cellular Data APN: apn.em.com

LTE setup APN: apn.em.com

MMS APN: apn.em.com

MMSC: http://mms.eeyoumobility.com/

MMS proxy: mms.eeyoumobility.com

(ᒑ ᒋᔅᒋᓯᔨᓐ: ᓂᔥᑐᔨᒡ ᓂᑎᐙᔨᐦᑖᑯᓐ APN ᒑ ᐲᐦᑎᑖᐱᔨᐦᑖᑭᓂᐎᒡ ᐊᓂᑎᐦ ᐋᐦ ᓅᑯᐦᒡ ᐋᔑᓈᑯᐦᒡ ᐅᑎᐦ ᐄᔥᐱᒥᐦᒡ)᙮

3. ᒑ ᑭᓂᐙᔨᐦᑎᒥᓐ ᐊᓐ ᑳ ᐄᔑ ᐲᐦᑎᑖᐱᔨᐦᑖᔨᓐ᙮

ᒑ ᐃᐦᑐᑎᒥᓐ ᐋᐦ ᐐᐦ ᐹᐦᑖᑯᐦᐄᓱᔨᓐ ᐋᐦ ᐋᔨᒥᔨᓐ ᐊᓂᑎᐦ Android ᑳ ᐄᔑᓂᐦᑳᑖᒡ ᐊᔨᒧᐙᔮᑭᓂᔑᐦᒡ

Review Eeyou Mobility Voicemail settings*:

1. ᒑ ᑖᐦᑭᐦᐋᒥᓐ ᐋᔑᓂᐦᑳᑖᒡ ᐊᓐ ᐊᔨᒧᐙᑭᓂᔥ ᑭᔮᐦ ᐊᓂᐦᐄ ᓂᔥᑐ ᐅᑖᐦ ᐄᔥᐲᒥᐦᒡ ᒋᓂᐦᐄᐎᓂᐦᒡ ᐋᐦ ᒌᐦᒑᔮᒡ ᑳ ᒥᓯᓈᑖᒡᐦ᙮

2. ᐋᔑᓈᑯᐦᒡ ᐊᓐ ᐊᔨᒧᐙᑭᓂᔥ Android ᐃᔮᐱᒋᔥᑖᔨᓐ:

– ᒑ ᑖᐦᑭᐦᐋᒥᓐ: Settings – Calls -Voicemail -Setup᙮

– ᒑ ᑖᐦᑭᐦᐋᒥᓐ: Settings – Voicemail – Advanced Settings – Setup᙮

3. ᔮᔨᑖ ᐆ ᐊᒋᔅᑖᓱᓐ 15819739191 ᒑ ᐋᐱᒋᔥᑖᔨᓐ ᐐᐦ ᐃᐦᑎᑎᒥᓈ ᐋᐦ ᐹᐦᑖᑯᓯᔨᓐ ᐅᑖᐦ ᐋᐦ ᐅᐦᒋᐱᔨᒡ ᐄᔨᔨᐤ ᒧᐹᔨᓪ ᐋᐦ ᐐᐦ ᐹᐦᑖᑯᓯᐦᐄᑐᓈᓂᐎᒡ᙮

ᐐᐦ ᐹᐦᑖᑯᐦᐄᓱᔨᓈ ᐋᐦ ᐋᔨᒥᔨᓐ ᒫᐅᑖᐦ ᒑ ᐃᐦᑐᑎᒥᓐ

1. Aᒑ ᐋᐱᐦᐋᒥᓐ ᐐᐦ ᐋᐱᒋᔥᑖᔨᓈ ᒑ ᒌᐦ ᐹᐦᑖᑯᓯᔨᓐ: ᒥᐦᒑᑐᔨᒡ ᒋᑭ ᒌᐦ ᐋᐱᐦᐋᓐ ᐊᓐ ᒌᔨ ᒑ ᒌᐦ ᐹᐦᑎᒥᓐ᙮ ᒋᑭ ᒌᐦ ᐋᐱᐦᐋᓐ ᒑ ᒌᐦ ᐹᐦᑎᒥᓐ ᐄᔨᔨᐤ ᒧᐹᔨᓪ ᐅᑖᐦ ᐋᐦ ᐄᐦᑐᑎᒥᓐ ᒑᑳᑦ ᒥᒄ ᐊᓐ ᐋᑎ ᐃᔨᔑᓈᑯᐦᒡ ᐊᔨᒧᐙᑭᓂᔥ:

a) ᐊᓂᑎᐦ ᐋᐦ ᑖᑭᐦᐄᑭᓂᐎᒡ ᐋᐦ ᒥᓯᓂᐦᐄᒑᐱᔨᐦᑖᑭᓂᐎᒡ, ᒑ ᒫᑯᓂᒥᓐ ᑭᔮᐦ ᓂᒥ ᒋᑭ ᐱᒋᔅᑎᓈᓐ 1:

b) ᒑ ᒥᑣᐦᑎᑖᔨᓐ 581-973-9191 (ᐄᔨᔨᐤ ᐋᐦ ᐹᐦᑖᑯᐦᐄᓱᓈᓂᐎᒡ ᐋᐦ ᐋᐱᑎᐦᒡ);

c) ᒑ ᒥᑣᐦᑎᑖᔨᓐ *86 (ᑎᐙᐦᒡ ᐊᓂᑖᐦ ᐋᐦ ᐄᔅᐱᔨᒡ ᐄᔨᔨᐤ ᐋᐦ ᐹᐦᑖᑯᓯᓈᓂᐎᒡ ᐋᐦ ᐋᐱᑎᐦᒡ)᙮

2. ᒑ ᐲᐦᑎᑖᐱᔨᐦᑖᔨᓐ “0000” ᑏᐙᐦᒡ ᒑ ᒥᑣᐦᑎᐦᒡ .

3. ᒑ ᐲᐦᑎᑖᐱᔨᐦᑖᔨᓐ ᐊᓐ ᑳ ᐅᔥᑳᒡ ᒥᒄ ᒌᐦ ᐋᐦ ᒋᔅᒑᔨᐦᑎᒥᓐ (ᒑᒀᓐ ᒑ ᒥᔪᒋᔅᒋᓯᔨᓐ)᙮

4. ᒑ ᒑᔥᑎᓈᐦᐎᔨᓐ ᑖᑆᐦ ᐊᓐ ᑳ ᐅᔥᑳᒡ ᒌᔨ ᒥᒄ ᐋᐦ ᒋᔅᒑᔨᐦᑎᒥᓐ ᐋᐦ ᒌᐦ ᒥᓯᓂᐦᐋᒥᓐ᙮

5. ᒑ ᐹᐦᑖᑯᐦᑖᔨᓐ ᐊᓐ ᓈᑎᐙᔨᐦᑎᒥᓐ ᒑ ᐹᐦᑖᑯᐦᒡ ᐹᒋ ᒥᑣᐦᑎᑖᒑ ᐊᐙᓐ᙮

6. ᒑ ᐐᐦᑎᒥᓐ ᐄᓯᓂᐦᑳᓱᐎᓐ ᒑ ᒌᐦ ᐹᐦᑎᐦᒡ ᐊᓂᒌ ᑳ ᐹᒋ ᒥᑣᐦᑎᑖᒡ᙮

*ᒑ ᒋᔅᒋᓯᔨᓐ: ᒑ ᐊᔨᒥᐦᑖᔨᓐ ᐋᔑ ᒥᓯᓈᑖᒡ ᒑ ᐄᔑ ᐋᐱᒋᔥᑖᔨᓐ ᒋᑎᔨᒧᐙᑭᓂᔥ ᐊᑎᑎᐤ ᐐᐦ ᒋᔅᒑᔨᐦᑎᒥᓈ ᐊᓂᑖᐦ ᒑ ᐃᐦᑐᑎᒥᓐ ᑭᔮᐦ ᒫᒃ ᐊᓂᑖᐦ ᐋᐦ ᐃᐦᑐᑎᑭᓂᐎᒡ ᒑ ᒌᐦ ᐹᐦᑎᒥᓐ ᐋᐦ ᐐᐦ ᐹᒋ ᐊᔨᒥᐦᐄᑭᐎᐎᔨᓐ, ᐊᑎᑎᐤ ᐋᐦ ᐐᐦ ᒋᔅᒑᔨᐦᑎᒥᓐ ᐋᔅᐱᔨᒡ ᑭᔮᐦ ᐊᓂᑖᐦ ᐋᐦ ᐃᐦᑎᑯᐦᒡ ᐋᐦ ᐐᐦ ᐅᐙᔨᔥᑖᑭᓂᐎᒡ ᐊᓂᑖᐦ ᐋᔅᐱᔨᒡ᙮

ᐊᓂᑖᐦ ᒑ ᐃᐦᑐᑎᒥᓐ ᒑ ᒌᐦ ᐋᐱᑎᐦᒡ ᐋᐦ ᐹᐦᑖᑯᓯᔨᓐ ᒋᑎᔨᒧᐙᑭᓂᔑᐦᒡ

ᐐᐦ ᐹᐦᑖᑯᐦᐄᓱᔨᓈ ᐋᐦ ᐋᔨᒥᔨᓐ ᒫᐅᑖᐦ ᒑ ᐃᐦᑐᑎᒥᓐ

1. Aᒑ ᐋᐱᐦᐋᒥᓐ ᐐᐦ ᐋᐱᒋᔥᑖᔨᓈ ᒑ ᒌᐦ ᐹᐦᑖᑯᓯᔨᓐ: ᒥᐦᒑᑐᔨᒡ ᒋᑭ ᒌᐦ ᐋᐱᐦᐋᓐ ᐊᓐ ᒌᔨ ᒑ ᒌᐦ ᐹᐦᑎᒥᓐ᙮ ᒋᑭ ᒌᐦ ᐋᐱᐦᐋᓐ ᒑ ᒌᐦ ᐹᐦᑎᒥᓐ ᐄᔨᔨᐤ ᒧᐹᔨᓪ ᐅᑖᐦ ᐋᐦ ᐄᐦᑐᑎᒥᓐ ᒑᑳᑦ ᒥᒄ ᐊᓐ ᐋᑎ ᐃᔨᔑᓈᑯᐦᒡ ᐊᔨᒧᐙᑭᓂᔥ:

a) ᐊᓂᑎᐦ ᐋᐦ ᑖᑭᐦᐄᑭᓂᐎᒡ ᐋᐦ ᒥᓯᓂᐦᐄᒑᐱᔨᐦᑖᑭᓂᐎᒡ, ᒑ ᒫᑯᓂᒥᓐ ᑭᔮᐦ ᓂᒥ ᒋᑭ ᐱᒋᔅᑎᓈᓐ 1:

b) ᒑ ᒥᑣᐦᑎᑖᔨᓐ 581-973-9191 (ᐄᔨᔨᐤ ᐋᐦ ᐹᐦᑖᑯᐦᐄᓱᓈᓂᐎᒡ ᐋᐦ ᐋᐱᑎᐦᒡ);

c) ᒑ ᒥᑣᐦᑎᑖᔨᓐ *86 (ᑎᐙᐦᒡ ᐊᓂᑖᐦ ᐋᐦ ᐄᔅᐱᔨᒡ ᐄᔨᔨᐤ ᐋᐦ ᐹᐦᑖᑯᓯᓈᓂᐎᒡ ᐋᐦ ᐋᐱᑎᐦᒡ)᙮

2. ᒑ ᐲᐦᑎᑖᐱᔨᐦᑖᔨᓐ “0000” ᑏᐙᐦᒡ ᒑ ᒥᑣᐦᑎᐦᒡ .

3. ᒑ ᐲᐦᑎᑖᐱᔨᐦᑖᔨᓐ ᐊᓐ ᑳ ᐅᔥᑳᒡ ᒥᒄ ᒌᐦ ᐋᐦ ᒋᔅᒑᔨᐦᑎᒥᓐ (ᒑᒀᓐ ᒑ ᒥᔪᒋᔅᒋᓯᔨᓐ)᙮

4. ᒑ ᒑᔥᑎᓈᐦᐎᔨᓐ ᑖᑆᐦ ᐊᓐ ᑳ ᐅᔥᑳᒡ ᒌᔨ ᒥᒄ ᐋᐦ ᒋᔅᒑᔨᐦᑎᒥᓐ ᐋᐦ ᒌᐦ ᒥᓯᓂᐦᐋᒥᓐ᙮

5. ᒑ ᐹᐦᑖᑯᐦᑖᔨᓐ ᐊᓐ ᓈᑎᐙᔨᐦᑎᒥᓐ ᒑ ᐹᐦᑖᑯᐦᒡ ᐹᒋ ᒥᑣᐦᑎᑖᒑ ᐊᐙᓐ᙮

6. ᒑ ᐐᐦᑎᒥᓐ ᐄᓯᓂᐦᑳᓱᐎᓐ ᒑ ᒌᐦ ᐹᐦᑎᐦᒡ ᐊᓂᒌ ᑳ ᐹᒋ ᒥᑣᐦᑎᑖᒡ᙮

ᐋᐦ ᐋᐱᐦᐋᒥᓐ ᒋᑎᔨᒧᐙᑭᓂᔥ

ᐄᔨᔨᐤ ᒧᐹᔨᓪ ᐋᐦ ᐅᐦᒋ ᐅᑎᓂᒑᓂᐎᒡᐦ ᐊᔨᒧᐙᑭᓂᔥᐦ

ᒥᓯᐙ ᐊᔨᒧᐙᑭᓂᔥᐦ ᐋᑖᐙᓂᐎᒡᐦ ᐊᓂᑖᐦ ᐄᔨᔨᐤ ᒧᐹᔨᓪ ᐊᓂᑖᐦ ᒋᑎᐦᑖᐎᓂᐙᐦᒡ ᐋᐦ ᒌᐦ ᐅᐦᒋ ᐅᑎᓂᒑᓂᐎᒡᐦ “ᑖᐹ ᐊᑖᐱᔅᒋᓂᑭᓂᐤᐦ”᙮ ᒋᑭ ᒥᔻᔑᔨᐤ ᑏᐙᐦᒡ ᑯᒀᒋᒥᑖ ᐊᓐ ᐋᐱᑎᓰᓯᐤ ᒋᑎᐦᑖᐎᓂᐙᐦᒡ ᒑ ᒌᐦ ᒋᑭᒧᐦᑖᑦ ᐊᓂᔮ ᐋᐦ ᐅᐦᒋ ᒋᔅᒑᔨᐦᑖᑯᓱᐎᑦ ᐊᓂᑖᐦ ᑏᐙᐦᒡ ᒑ ᒌᐦ ᐅᐦᒋ ᐋᐱᑎᐦᒡ ᐄᔨᔨᐤ ᒧᐹᔨᓪ᙮ ᐃᐦᑐᑎᒥᓈ ᐅᑎᐦ ᐄᔥᐱᒥᐦᒡ ᒫᓯᓈᑖᒡ ᓂᒧᐐ ᒋᑭ ᐎᓂᐱᔨᓐ᙮

ᐋᑖᐱᔅᒋᓂᑭᓂᐎᒑ ᒋᑎᔨᒧᐙᑭᓂᔥ

ᑳ ᐋᐱᒋᔥᑖᐎᓈ ᐊᔨᒧᐙᑭᓂᔥ ᐄᔨᐦᒡ ᐋᐦ ᒌᐦ ᐅᐦᒋ ᐱᒥᐱᔨᐦᑖᑭᓂᐎᒡ, ᒋᑭ ᒌᐦ ᐄᔑᓈᑯᓐ ᐋᔥᒄ ᐊᓂᑖᐦ ᑳ ᐅᐦᒋ ᐋᐱᑎᐦᒡ ᒑ ᒌᐦ ᐄᔑ ᐋᑖᐱᔅᒋᐱᔨᒡ᙮ ᒋᑭᒧᐦᑖᔨᓈ, ᑖᐹ ᒋᑭ ᒌᐦ ᒥᑣᐦᑎᑖᓐ, ᒋᑭ ᒌᐦ ᐄᔑᓈᑯᓐ ᐋᔥᒄ ᐊᓂᑖᐦ ᒑ ᒌᐦ ᐅᐦᒋ ᐋᐱᑎᓰᒥᑭᐦᒡ ᐊᓐ ᐙᔥᑭᒡ ᑳ ᐋᐱᒋᔥᑖᔨᓐ᙮

1. ᒑ ᑭᓂᐙᐱᐦᑎᒥᓐ ᐊᓂᐦᐄ 15 ᐊᒋᔅᑖᓱᓐᐦ ᒥᒄ ᐊᓂᑎᐦ ᒋᑎᔨᒧᐙᑭᓂᔑᐦᒡ ᑳ ᐋᐱᑎᐦᒡ᙮

Android – ᒑ ᐋᐱᐦᐋᒥᓐ Settings – ᐅᐦᒋ ᐆ ᐊᔨᒧᐙᑭᓂᔥ – ᐋᔑᓈᑯᐦᒡ – ᓈᓂᑎᐙᐱᐦᑦ “IMEI” ᑳ ᐃᐦᑎᑯᐦᒡ᙮ iPhone – ᒑ ᐋᐱᐦᐋᒥᓐ Settings – ᐊᓐ ᒑᒀᓐ ᐋᐦ ᐃᐦᑎᑯᐦᒡ – ᐋᐦ ᑎᐹᑎᑖᒡ – ᓈᓂᑎᐙᐱᐦᒡ “IMEI” ᑳ ᐃᐦᑎᑯᐦᒡ᙮

ᐊᓂᐦᐄ 15 ᐊᒋᔅᑖᓱᓐ ᒫᓯᓈᑖᒡᐦ ᐊᓂᑎᐦ IMEI ᐋᐅᑯᓐᐦ ᐊᓂᐦᐄ ᐃᔮᐱᑎᐦᒡᐦ IMEI ᐊᓂᑎᐦ ᒌᔨ ᐊᔥᑎᔨᒧᐙᑭᓂᔑᐦᒡ᙮.

2. ᒥᑣᐦᑎᑐᐎᑦ ᐊᓐ ᒫᐦᒋᒡ ᑳ ᐋᐱᒋᐦᐄᑦ ᑭᔮᐦ ᒑ ᑯᒀᒋᒥᑦ ᒑ ᐋᐹᐦᒃ ᒋᑎᔨᒧᐙᑭᓂᔑᔨᐤ᙮ (ᐅᑎᐦ ᓃᐦᑖᐦᒡ ᐋᑯᑎᐦ ᒫᓯᓈᓱᒡ ᐊᓂᒌ ᒑᐦᑳᔮᔨᐦᑖᑯᓯᒡ᙮ ᒑ ᒥᔨᑣᐤ ᐊᓂᔮ ᐊᓂᑖᐦ ᐋᔅᐱᔨᔨᒡ ᒋᑎᒋᔅᑖᓱᓂᔨᐤ᙮)

Bell Mobility: Unlock your Bell device

Rogers: 1-888-764-3771

Telus: 1-866-558-2273

Bell MTS: 1-800-883-2054

Virgin Mobile: 1-888-999-2321

3. ᒑ ᒋᐱᐦᐋᒥᓐ ᒋᑎᔨᒧᐙᑭᓂᔥ

4. ᒑ ᒋᑭᒧᐦᑖᔨᓐ ᓯᒻ ᑳᕐᑦ ᑭᔮᐦ ᒦᓐ ᒑ ᐋᐱᐦᐋᒥᓐ ᐋᐦ ᑭᓂᐙᐱᐦᑎᒥᓐ ᐊᓐ ᐋᔑ ᐐᐦᑎᒫᑭᐎᐎᔨᓐ “ᐊᓂᑖ ᒑ ᐃᐦᑐᑎᒥᓐ ᐋᐦ ᐋᐱᐦᐋᒥᓐ”

ᐋᐦ ᒥᓯᓂᐦᐅᓱᓈᓂᐎᒡ ᒑ ᐄᔥᐱᔑ ᐋᐱᒋᔥᑖᑭᓂᐎᒡ ᑭᔮᐦ ᐋᐦ ᓈᓂᑑᒋᔅᒑᔨᐦᑖᑯᓯᑦ ᐊᐙᓐ ᒨᔥ ᑖᐱᐦᐄᒑᒀ ᐅᒥᓯᓂᐦᐄᑭᓐᐦ

ᐊᓐ ᓯᒻ ᑳᕐᑦ ᑳ ᐄᔑᓂᐦᑳᑖᒡ ᒨᔥ $10 ᑎᐱᐦᐄᑭᓂᐤ – ᐊᓂᑎᐦ ᐊᔥᑎᔨᒧᐙᑭᓂᔑᐦᒡ ᐋᑯᑎᐦ ᒑ ᑭᒧᐦᑖᑭᓂᐎᒡ ᐃᔮᒄ ᒑ ᒌᐦ ᐋᐱᒋᔥᑖᔨᓐ᙮

ᑎᐱᐦᐋᒧᐎᐦᑎᔨᐙᐎᓐᐦ

ᒑᑳᑦ ᒥᓯᐙ ᒑ ᐄᔑ ᐎᔮᔨᐦᑎᒥᓐ ᐙᐦ ᐄᔥᐱᔑ ᑎᐱᐦᐄᒑᔨᓐ “ᒥᓯᐦᑖ ᑳᐦᓈᑖᐦ” ᒋᑭ ᒌᐦ ᐄᔑ ᐊᔨᒥᓐ ᑭᔮᐦ ᒥᓯᓂᐦᐄᒑᓐ ᒫᒀᒡ ᐎᔨᐐᑎᒫ ᐄᔨᔨᐅᔅᒌᐦᒡ ᑭᔮᐦ ᒉᐃᒥᔅ ᐯᐃᐦ ᐋᐦ ᐄᑖᔨᓐ᙮ ᐄᔅᑯᑎᒃ ᒫᔥᑎᐦᐋᒥᓈ ᐊᓐ ᒥᓯᐦᑖ ᑳᐦᓈᑖᐦ ᐋᐦ ᐋᐱᒋᔥᑖᔨᓐ, ᒦᓐ ᐊᑎᑎᐤ ᒋᑭ ᑎᐱᐦᐋᒨᐦᑎᔨᑭᐎᓐ ᒦᓐ ᒑ ᒌᐦ ᐋᐱᒋᔥᑖᔨᓐ ᐅᑎᐦ ᑳᐦᓈᑖᐦ ᑭᔮᐦ ᐊᑎᑎᐤ ᒑ ᒌᐦ ᓂᑑᒋᔅᒑᔨᐦᑎᒥᓐ ᒑᒀᓐ ᐊᓐ ᓃᔥᑎᒻ ᑳ ᐄᔥᐱᔑ ᑎᐱᐦᐄᒑᔨᓐ ᑳ ᐎᔮᔨᐦᑎᒥᓐ ᒑ ᐄᔥᐱᔑ ᑎᐱᐦᐋᒥᓐ᙮

ᐅᑖᐦ ᒑ ᐄᔑ ᒥᑣᐦᑖᔨᓐ *111# ᐐᐦ ᐙᐱᐦᑎᒥᓈ ᐋᔥᐱᔑ ᐄᔥᑯᐦᐋᒥᓐ ᐊᓐ ᓃᔥᑎᒻ ᑳ ᐄᔥᐱᔑ ᑎᐱᐦᐋᒥᓐ ᒑ ᒌᐦ ᐋᐱᒋᔥᑖᔨᓐ ᒋᑎᔨᒧᐙᑭᓂᔥ, ᐊᓂᒌ ᒥᓂᑯᔑᔑᒡ ᑭᔮᐦ ᐋᐦ ᐋᐱᒋᔥᑖᔨᓐ ᑯᑎᒡ ᐐᐦᑎᒫᒑᐎᓐ᙮ ᐋᑯᑖᐦ ᒦᓐ ᒑ ᒌᐦ ᐅᐦᒋ ᐙᐱᐦᑎᒥᓐ ᐊᓂᑖᐦ ᐋᐦ ᐄᔅᐱᔨᔨᓐ ᐋᔥᐱᔥ ᐋᐱᒋᔥᑖᔨᓐ ᒋᑎᔨᒧᐙᑭᓂᔥ᙮

ᑯᑎᒡ ᑲᒻᐱᓃ ᐋᐦ ᐋᐱᒋᔥᑖᔨᓐ ᑭᔮᐦ ᐊᑎᑎᐤ ᒑᒀᓐ ᐋᐦ ᐐᐦ ᐙᐱᐦᑎᒥᓐ ᐋᐦ ᑎᐱᐦᐋᒨᐦᑎᔨᑭᐎᐎᔨᓐ

ᐊᓂᒌ ᐋᐱᑎᓰᓯᐅᒡ ᒋᑎᐦᑖᐎᓂᐙᐦᒡ ᓂᒧᐐ ᒥᐦᒑᓂᔨᐤᐦ ᐊᔨᒧᐙᑭᓂᔥ ᐃᔮᐎᒡ ᒑ ᒌᐦ ᐅᐦᒋ ᐎᔮᔨᐦᑎᒧᑦ ᐊᓂᔮ ᒑ ᐅᑎᓂᒧᑦ᙮ ᐊᑎᑎᐤ ᐐᐦ ᐙᐱᐦᑎᒥᓈ ᓂᑐᐙᐱᐦᒋᑭᓐ ᒑ ᐋᐱᒋᔥᑖᔨᓐ – ᑭᔮᐦ ᒋᑭ ᒌᐦ ᐐᒋᐦᐄᑯᒡ ᐊᓂᒌ ᐊᐱᑎᓰᓯᐅᒡ ᐊᓂᑎᐦ ᒋᑎᐦᑖᐎᓂᐙᐦᒡ᙮

ᐊᔨᒧᐙᑭᓂᔥ ᐋᐦ ᐅᑎᓂᒑᔨᓐ

ᐊᓂᒌ ᐋᐱᑎᓰᓯᐅᒡ ᒋᑎᐦᑖᐎᓂᐙᐦ ᓂᒧᐐ ᒥᐦᒑᑐ ᐊᔨᒧᐙᑭᓂᔥ ᐃᔮᐎᒡ ᒑ ᒌᐦ ᐅᐦᒋ ᐎᔮᔨᐦᑎᒧᑦ ᐊᓂᔮ ᒑ ᐅᑎᓂᒧᑦ᙮ ᐊᑎᑎᐤ ᐐᐦ ᐙᐱᐦᑎᒥᓈ ᓂᑐᐙᐱᐦᒋᑭᓐ ᒑ ᐋᐱᒋᔥᑖᔨᓐ – ᑭᔮᐦ ᒋᑭ ᒌᐦ ᐐᒋᐦᐄᑯᒡ ᐊᓂᒌ ᐊᐱᑎᓰᓯᐅᒡ ᐊᓂᑎᐦ ᐊᔥᑎᐦᑖᐎᓂᐙᐦᒡ᙮

ᓂᒧᐐ ᐋᔨᒥᓐ ᒌᔨ ᒑ ᒌᐦ ᐱᒥᐱᔨᐦᑣᓱᔨᓐ ᐊᓂᐦᐄ ᒋᒥᓯᓂᐦᐄᑭᓐᐦ ᐙᑎᐦᑎᐦᐅᑯᔨᓐ! ᐋᑯᑎᐦ ᐅᑎᐦ ᐋᐦ ᐃᐦᑎᑯᐦᒡ ᐊᓐ ᒥᓯᐙ ᐐᐦᑎᒫᒑᐎᓐ ᒑ ᓂᑎᐙᔨᐦᑎᒥᓐ᙮

1. Accessing Your Account

  • ᓂᑐᐙᐱᐦᒋᑭᓐ ᐋᐦ ᐋᐱᒋᔥᑖᔨᓐ ᐋᑯᑎᐦ ᐋᐦ ᐃᐦᑎᑯᐦᒡ ᐄᔨᔨᐤ ᒧᐹᔨᓪ᙮
  • ᒑ ᐲᐦᑎᑖᐱᔨᔨᓐ ᐊᓐ ᒌᔨ ᒥᒄ ᐃᔮᐱᒋᔥᑖᔨᓐ ᐊᓂᑖᐦ ᒑ ᒌᐦ ᐅᐦᒋ ᒥᓯᓂᐦᐋᒫᑭᐎᐎᔨᓐ ᑭᔮᐦ ᐊᓐ ᑳ ᐐᔮᔨᐦᑎᒥᓐ ᐊᓂᑖᐦ ᒑ ᒌᐦ ᐄᔑ ᐲᐦᑎᑖᐱᔨᔨᓐ᙮
  • ᐎᓂᒋᔅᒋᓯᔨᓈ ᐊᓐ ᑳ ᐎᔮᔨᐦᑎᒥᓐ ᒑ ᒌᐦ ᐲᐦᑎᑖᐱᔨᔨᓐ, ᐊᓐ “Forgot Password” ᑳ ᐄᒋᔥᑖᒡ ᐋᐅᒄ ᒑ ᐋᐱᒋᔥᑖᔨᓐ ᑭᔮᐦ ᒑ ᐋᐦᒋᔥᑖᔨᓐ ᐄᔨᐦᒡ ᒑ ᒌᐦ ᐄᒋᔥᑖᒡ᙮

2. ᐊᐦ ᓈᓂᑑᒋᔅᒑᔨᐦᑎᒥᓐ ᐋᔥᐱᔑ ᐄᔥᑯᐱᔨᔨᓐ ᑭᔮᐦ ᑳ ᐄᔥᐱᔑ ᐋᐱᒋᔥᑖᔨᓐ

ᐊᓂᑎᐦ ᒫᓯᓈᑖᒡ ᒑᒀᓐ ᐋᐦ ᐃᐦᑎᑯᐦᒡ ᒋᑎᔨᒧᐙᑭᓂᔑᐦᒡ, ᒫᐤ ᒑ ᒌᐦ ᐃᐦᑐᑎᒥᓐ:

  • ᒋᑭ ᒌᐦ ᐙᐱᐦᑖᓐ ᑖᓐ ᐋᔥᐱᔑ ᐋᔥᒄ ᐄᔥᑯᐦᐋᒥᓐ ᐊᓐ ᓃᔥᑎᒻ ᑳ ᐎᔮᔨᐦᑎᒥᓐ ᒑ ᑎᐱᐦᐄᒑᔨᓐ
  • ᒋᑭ ᒌᐦ ᐙᐱᐦᑖᓐ ᐋᔥᐱᔑ ᐄᔥᑯᐦᐋᒥᓐ ᑯᑎᒡ ᒑᒀᓐ ᒑ ᒌᐦ ᐙᐱᐦᑎᒥᓐ, ᒥᓂᑯᔑᔑᒡ, ᑭᔮᐦ ᒑ ᒌᐦ ᐄᔥᐱᔥ ᐋᔥᒄ ᒌᐦ ᒥᓯᓂᐦᐄᒑᔨᓐ ᒋᑎᔨᒧᐙᑭᓂᔥ ᐋᐦ ᐋᐱᒋᔥᑖᔨᓐ
  • ᒋᑭ ᒌᐦ ᐙᐱᐦᑖᓐ ᑳ ᐄᔑ ᑎᐱᐦᐄᒑᔨᓐ ᑭᔮᐦ ᐊᓐ ᔖᔥ ᑳ ᑎᐱᐦᐋᒥᓐ

3. ᐋᐦ ᑎᐱᐦᐄᒑᓂᐎᒡ

  • ᒑ ᐲᐦᑎᑖᐱᔨᔨᓐ ᑭᔮᐦ ᐅᑖᐦ ᒑ ᐄᔅᐱᔨᔨᓐ “Billing Details”᙮
  • ᒑ ᐎᔮᔨᐦᑎᒥᓐ ᐊᓐ ᐙᐦ ᐄᔥᐱᔑ ᑎᐱᐦᐄᒑᔨᓐ ᑭᔮᐦ ᒑᒀᓐ ᒑ ᐋᐱᒋᔥᑖᔨᓐ᙮ ᐋᑯᑖᐦ ᑭᔮᐦ ᒑ ᒌᐦ ᐃᐦᑎᔨᓐ ᒥᓯᐙ ᒑᒀᓐ ᒌᔖᒡ ᐋᐦ ᑎᐱᐦᐋᒥᓐ᙮

4. ᐋᐦ ᐋᐦᒋᔥᑖᔨᓐ ᑭᔮᐦ ᐋᐦ ᐐᐦ ᐅᔅᒋᐦᑖᔨᓐ ᑳ ᐄᔑ ᐎᔮᔨᐦᑎᒥᓐ

  • ᒑ ᑖᐦᑭᐦᐋᒥᓐ ᐊᓐ ᑳ ᐄᔑ ᐎᔮᔨᐦᑎᒥᓐ ᑭᔮᐦ ᒑ ᒌᐦ ᐙᐱᐦᑎᒥᓐ ᐋᔅᐱᔨᒡ᙮
  • ᒑ ᑖᐦᑭᐦᐋᒥᓐ “Schedule a plan” ᒫᒀᒡ ᐋᔮᐎᓈ ᑳ ᐄᔑ ᐎᔮᔨᐦᑎᒥᓐ, ᑭᔮᐦ ᒫᒃ ᒑ ᑖᐦᑭᐦᐋᒥᓐ “Re-activate” ᒦᓐ ᒑ ᒌᐦ ᐋᐱᐦᐋᒥᓐ ᑳᐦ ᒫᐦᒋᐱᔨᒀ᙮
  • ᒑ ᑖᐦᑭᐦᐋᒥᓐ ᐊᓐ ᐙᔮᔨᐦᑎᒥᓐ ᑭᔮᐦ ᒑ ᐎᔨᐐᐱᔨᔨᓐ᙮

5. ᐋᐦ ᑭᓂᐙᐱᐦᑎᒥᓐ ᐊᓐ ᒑ ᑎᐱᐦᐄᒑᔨᓐ ᑭᔮᐦ ᒑ ᒥᓯᓈᐱᔅᑭᐦᐋᒥᓐ ᒑ ᒌᐦ ᑭᓂᐙᔨᐦᑎᒥᓐ

  • ᐊᓂᑖᐦ ᒑ ᐄᔅᐱᔨᔨᓐ “Billing Details”᙮
  • ᒑ ᐲᐦᑖᐱᔨᐦᑖᔨᓐ ᑭᔮᐦ ᒫᒃ ᒑ ᒥᓯᓈᐱᔅᑭᐦᐋᒥᓐ ᒑ ᒌᐦ ᑭᓂᐙᔨᐦᑎᒥᓐ ᐊᓐ ᑳ ᐄᔑ ᐋᐱᒋᔥᑖᔨᓐ᙮

6. ᐋᐦ ᐐᐦᑎᒥᓐ ᒑᒀᓐ ᐋᑳ ᓂᐦᐋᒋᐦᐄᑯᔨᓐ

ᐙᐱᐦᑎᒥᓈ ᒑᒀᓐ ᐋᑳ ᐅᐦᒋ ᐹᔣᔨᐦᑎᒥᓐ, ᐋᑳ ᑯᐃᔅᒄ ᐄᔑ ᑎᐱᐦᐋᒨᐦᑎᔨᑭᐎᐎᔨᓐ, ᑭᔮᐦ ᒫᒃ ᐋᐦ ᒌᐦ ᐲᐦᑎᑖᐱᔨᑯᐱᓈ ᑯᑎᒃ ᐊᐙᓐ:

  • ᐊᓂᑖᐦ ᒑ ᐄᔑ ᐐᐦᑎᒥᓐ ᐋᐦ ᐅᐦᒋ ᐙᐐᒋᐦᐋᑭᓂᐅᐎᒡ ᐊᓂᒌ ᐃᔮᐱᒋᔥᑖᒡ ᐄᔨᔨᐤ ᒧᐹᔨᓪ ᐋᐦ ᒥᑣᐦᑎᑐᑣᐤ ᑭᔮᐦ ᒫᒃ ᐋᐦ ᒥᓯᓂᐦᐋᒧᐎᑣᐤ᙮ ᓂᑭ ᓯᒋᔮᓯᓈᓐ ᑭᔮᐦ ᓂᑭ ᒥᔻᔨᐦᑖᓈᓐ ᐐᒋᐦᐄᑖᐦᒑ᙮
  • ᔮᔨᑖ ᒑ ᐃᔮᔅᑭᐎᓂᒥᓐ ᐊᓐ ᒋᑎᒋᔅᑖᓱᓐ ᐊᑎᑎᐤ ᐐᐱᒡ ᒑ ᒌᐦ ᐐᒋᐦᐄᑭᐎᐎᔨᓐ᙮

ᒥᒄ ᐋᔅᑭᐤ ᐋᐦ ᑎᐱᐦᐋᒥᓐ ᐊᔥᑎᔨᒧᐙᑭᓂᔥ ᐋᐦ ᐋᐱᐦᐋᒥᓐ

ᒥᒄ ᐋᔅᑭᐤ ᐋᐦ ᑎᐱᐦᐄᒑᔨᓐ, ᒋᑭ ᒌᐦ ᐎᔨᐱᔨᐦᑖᓐ ᑖᓐ ᒑ ᐄᔥᐱᔑ ᐋᐱᒋᔥᑖᔨᓐ ᑯᑎᒡ ᒑᒀᓐ ᐋᐦ ᐐᐦ ᐃᐦᑐᑎᒥᓐ ᑭᔮᐦ ᒫᒃ ᐋᐦ ᐐᐦ ᒋᔅᒑᔨᐦᑎᒥᓐ, ᑭᔮᐦ ᑏᐙᐦᒡ ᐋᐦ ᒦᔥᑯᒋᐱᔨᒡ ᐄᔨᐦᒡ ᑳᒻᐱᓃ ᐋᐦ ᐱᒥᐱᔨᐦᑖᑦ ᒑ ᒌᐦ ᐋᐱᑎᓂᔨᒡᐦ ᐊᔨᒧᐙᑭᓂᔥᐦ᙮

ᒥᒄ ᐊᑎᑎᐤ ᒑ ᑎᐱᐦᐄᒑᔨᓐ ᓂᔮᑭᓐᐦ, ᑭᔮᐦ ᐹᔥᑎᐦᐋᒥᓈ ᐊᓐ ᒑ ᐄᔥᐱᔑ ᐋᐱᒋᔥᑖᐎᐱᓈ ᒑ ᐅᐦᒋ ᐅᑎᓂᑭᓂᐎᒡ ᐊᓐ ᐋᔥᐱᔑ ᐋᐱᒋᔥᑖᔨᓐ᙮

ᐋᐦ ᐲᐦᑎᑖᐱᔨᓈᓂᐧᐃᒡ

You can also go directly to: https://www.eeyoumobile.com/my/lte

Once signed in, open the Subscription section to view your Mobile Plan and Pay-As-You-Go Balance.

Each Mobile subscription has its own Pay-As-You-Go balance. If you have multiple subscriptions, you’ll see a separate balance for each one.

ᒦᓐ ᐊᑎᑎᐤ ᐋᐦ ᐐᐦ ᑎᐱᐦᐄᒑᔨᓐ

1. ᒑ ᑖᑭᐦᐋᒥᓐ ᐊᓐ “Wallet” ᑳ ᐄᒋᔥᑖᒡ᙮

2. ᐋᑯᑎᐦ ᒑ ᓅᑯᐦᒡ ᐋᔅᐱᔨᒡ ᐊᓐ ᑳ ᐄᔑ ᐎᔮᔨᐦᑎᒥᓐ᙮ ᒑ ᑖᐦᑭᐦᐋᒥᓐ “Add Funds”᙮

3. ᒑ ᑖᐦᑭᐦᐋᒥᓐ ᐊᓐ ᐙᐦ ᐄᔥᐱᔑ ᑎᐱᐦᐋᒥᓐ᙮ ᐃᔮᒄ ᒑ ᑖᐦᑭᐦᐋᒥᓐ “Add Funds”

4. ᒦᓐ ᒑ ᑭᓂᐙᐱᐦᑎᒥᓐ ᑭᔮᐦ ᒑ ᑖᐦᑭᐦᐋᒥᓐ ᑭᕃᑎᑦ ᑳᕐᑦ ᐐᐦ ᐋᐱᒋᔥᑖᔨᓈ᙮

5. ᒑ ᓵᑭᔅᒋᓂᑖᔨᓐ ᐊᓐ ᓈᑎᐙᔨᐦᑖᑯᐦᒡ ᐅᐦᒋ ᐊᓐ ᒥᔑᓂᐦᐄᑭᓂᔥ ᒑ ᐋᐱᒋᔥᑖᔨᓐ ᐃᔮᒄ ᒦᓐ ᒑ ᑖᐦᑭᐦᐋᒥᓐ ᐊᓐ “Pay” ᑳ ᐄᒋᔥᑖᒡ ᐊᓂᑎᐦ ᓃᐦᑖᐦᒡ᙮

ᐊᑎᑎᐤ ᐋᐦ ᐐᐦ ᐅᑎᓂᒑᔨᓐ ᒥᓂᑯᔑᔑᒡ ᐊᑎᑎᐤ ᓈᐅᔥ ᒑ ᒌᐦ ᐋᐱᒋᔥᑖᔨᓐ ᒋᑎᔨᒧᐙᑭᓂᔥ

ᒋᑭ ᒌᐦ ᐋᐱᒋᔥᑖᓐ ᐊᓐ ᑳ ᐄᔑ ᐎᔮᔨᐦᑎᒥᓐ ᐋᔅᑭᐤ ᒑ ᑎᐱᐦᐄᒑᔨᓐ ᒑ ᒌᐦ ᐊᑯᓂᐦᐄᒑᐱᔨᒡ ᐹᔥᒋᐱᔨᐦᑖᔨᓈ ᐊᓐ ᐋᔑᑯᒥᐲᓯᒽᐦ ᑳ ᐎᔮᔨᐦᑎᒥᓐ᙮

ᒋᑭ ᒌᐦ ᐋᐱᒋᔥᑖᓐ ᑭᔮᐦ ᓂᑎᐙᔨᐦᑖᑯᐦᒑ ᒑ ᐎᔮᔥᑐᑎᑭᓂᐎᒡ ᑭᔮᐦ ᐋᐦᒋᔥᑖᑭᓂᐎᒡ ᐋᑳ ᐊᔥᒋᐱᔨᒑ ᐊᓂᑎᐦ ᐋᔑᑯᒥᐲᓯᒽᐦ ᑳ ᐄᔑ ᐎᔮᔨᐦᑎᒥᓐ ᒑ ᑎᐱᐦᐄᒑᔨᓐ:

  • ᒥᔑᒧᐦᑯᒫᓂᔅᒌᐦᒡ ᑭᔮᐦ ᐎᔨᐐᑎᒻ ᑳᐦᓈᑖᐦ ᒥᓂᑯᔑᔑᒡ ᐋᔥᐱᔑ ᐋᐱᑎᓰᒡ
  • ᐎᔨᐐᑎᒫ ᑳᐦᓈᑖᐦ ᑭᔮᐦ ᒥᔑᒧᐦᑯᒫᓂᔅᒌᐦᒡ ᐋᐦ ᐋᐱᑎᓰᒡ ᒥᓂᑯᔑᔑᒡ (ᐊᓂᑎᐦ ᐋᐦ ᓂᐦᐋᔨᐦᑖᑯᐦᒡ)
  • ᐎᔨᐐᑎᒫ ᑳᐦᓈᑖᐦ ᑭᔮᐦ ᒥᔑᒧᐦᑯᒫᓂᔅᒌᐦᒡ ᐊᑎᑎᐤ ᐋᐦ ᐐᐦ ᐋᐱᒋᔥᑖᔨᓐ (ᐊᓂᑎᐦ ᐋᐦ ᓂᐦᐋᔨᐦᑖᑯᐦᒡ)

ᐃᔨᐙᒡ ᑎᐱᐦᐄᒑᔨᓈ ᓂᔮᑭᓐᐦ, ᐊᓐ ᒑ ᐄᔥᐱᔑ ᑎᐱᐦᐄᒑᐎᐱᓈ ᑏᐙᐦᒡ ᐊᓂᑎᐦ ᒋᑭ ᐅᐦᒋ ᐅᑎᓈᑭᓂᐆ ᐊᓐ ᓃᔥᑎᒻ ᑳ ᐄᔑ ᐎᔮᔨᐦᑎᒥᓐ ᐋᔅᑭᐤ ᒑ ᑎᐱᐦᐄᒑᔨᓐ ᑏᐙᐦᒡ ᐋᐱᒋᔥᑖᔨᓈ᙮

ᐊᓐ ᐋᔅᑭᐤ ᐋᔥᐱᔑ ᐊᔮᐅᐎᑦ ᔓᐎᔮᓐ ᓂᒧᐐ ᒋᑭ ᒌᐦ ᐋᐱᒋᐦᐋᐤ ᐋᐦ ᐅᑎᓂᒑᔨᓐ ᐋᐦ ᐅᔥᑳᒡ ᒑᒀᓐ ᑭᔮᐦ ᒫᒃ ᐋᐦ ᐐᐦ ᐅᔅᒋᐦᑖᔨᓐ ᒑ ᐄᔑ ᐋᐱᒋᔥᑖᔨᓐ ᐊᓐ ᒋᑎᔨᒧᐙᑭᓂᔥ᙮ ᐊᓂᑖᐦ ᐋᐦ ᐅᐦᒋ ᑎᐱᐦᐋᒥᓐ ᒋᑎᔨᒧᐙᑭᓂᔥ ᐋᑯᑎᐦ ᒑ ᒌᐦ ᐅᐦᒋ ᐋᐱᒋᐦᐄᑦ ᐊᓐ ᐋᐦᑖᑦ ᔓᐎᔮᓐ, ᓂᒥᔮᐤ ᐐ ᐊᓐ ᐋᔅᑭᐤ ᐋᐦ ᐅᐦᒋ ᑎᐱᐦᐋᒥᓐ ᒋᑎᔨᒧᐙᑭᓂᔥ᙮

ᐋᔥᒀ ᐃᐦᑎᑯᓐ ᒑᒀᓐ ᐋᐦ ᐐᐦ ᑯᒀᒋᔅᒑᒧᔨᓐ?

ᐅᒌ ᐅᑖᐦ ᐃᔮᐱᑎᓰᒡ ᐄᔨᔨᐤ ᒧᐹᔨᓪ ᐋᐅᑯᓂᒡ ᐋᐦ ᐃᐦᑖᒡ ᐅᑎᐦ ᒑ ᒌᐦ ᐐᒋᐦᐄᑖᑯᒡ᙮ ᒑ ᐹᒋ ᐊᔨᒥᐦᐄᔮᐦᒡ 1-844-922-4492

ᓂᑐᐙᐱᐦᒋᑭᓂᐦᒡ ᒑ ᐹᒋ ᒥᓯᓂᐦᐋᒧᐎᔮᐦᒡ ᐅᑖᐦ customercare@eeyoumobile.com

ᐊᒋᔅᑖᓱᓐᐦ ᒑ ᐅᑎᐦᑎᐦᐅᑯᒡ ᐋᐦ ᐐᐦ ᐊᔨᒥᐦᐋᑭᓂᐅᐎᒡ

ᐊᓐ Universal Network-Level Call Blocking ᑳ ᐄᔑᓂᐦᑳᑖᒡ ᐋᑯᑎᐦ ᐙᐦᒋ ᓈᓈᑭᒋᔥᑖᑭᓂᐎᒡ ᐊᓐ ᑳᓀᐃᑎᔨᓐ ᕌᑎᔨᐤ-ᑌᓓᕕᔑᓐ ᑌᓕᑲᒥᔫᓂᑫᐃᔑᓐᔅ ᐊᓂᑎᐦ ᒑ ᒌᐦ ᑭᓂᐙᐱᐦᑎᑭᓂᐎᐎᔨᒡ ᐊᐙᓂᒌ ᐋᑳ ᒋᔅᒑᔨᒫᒡ ᐊᐙᔨᐤᐦ ᒑ ᐐᐦ ᐊᔨᒥᐦᐄᑯᒡ ᐅᑎᐦ ᑳᐦᓈᑖᐦ ᐅᐦᒋ ᐊᓂᔮ ᐋᑳ ᑯᐃᔅᒄ ᐐᐦ ᐃᐦᑐᑖᑯᒡ᙮ ᐋᐅᑯᓂᒡ ᐹᒥᐱᔨᐦᑖᒡ ᐅᔮ ᐅᑖᐦ ᐋᐦ ᐅᐦᒋ ᓈᓈᑭᒋᔥᑖᒡ, ᐋᑳ ᑎᐱᐦᐋᒧᐦᑎᔮᒡ ᐊᓂᔮᐦ ᐋᑐᔅᑭᐙᒡ, ᒥᑯᔖᒌᔑᑭᓂᐲᓯᒽᐦ 2019 ᒌᐦ ᐅᐦᒋ ᒋᔥᒋᐱᔨᐦᑖᐎᒡ᙮

ᐋᐦ ᐹᒋ ᒥᑣᐦᑎᐦᒡ ᐋᐦ ᓂᓯᑎᐎᓈᑯᐦᒡ ᐋᑳ ᐅᑎᐦ ᓍᕐᕪ ᐋᒣᕆᑳ ᑭᔮᐦ ᒫᒃ ᐋᐦ ᒫᓂᑖᐅᓈᑯᐦᒡ ᐊᒋᔅᑖᓱᓐᐦ ᐋᐅᑯᓐᐦ ᓂᒥ ᑖᑆᐅᒑᔨᐦᑖᑯᓐᐦ ᑭᔮᐦ ᓂᒥ ᒋᑭ ᓂᐦᐋᔨᐦᑖᑯᓐᐦ ᒑ ᔖᐳᐦᑎᐙᐱᔨᒡᐦ᙮ ᐋᐅᑯᓐᐦ ᒫᒃ ᐅᐦᐄ:

ᐋᐦ ᐹᒋ ᒥᑣᐦᑎᐦᒡ ᐊᐅᔅᑖᐦ 15 ᐋᐦ ᓅᑯᐦᒡ ᐊᒋᔅᑖᓱᓐᐦ᙮

ᐋᑳ ᐋᐱᑎᐦᒡ ᐊᒋᔅᑖᓱᓐᐦ (ᐱᑯᒥᒑ 222-222-2222 ᑭᔮ ᒫᒃ ᐊᓂᐦᐄ ᓃᔥᑎᒻ ᓂᔥᑐ ᐊᒋᔅᑖᓱᓐᐦ ᐋᑳ ᐋᐱᑎᐦᒡ ᐋᐦ ᓅᑯᐦᒡᐦ)

ᐋᐅᑯᓐᐦ ᐅᐦᐄ ᓂᒥ ᓂᑎᐙᔨᐦᑖᑯᓐᐦ, ᐋᐦ ᒥᔨᒋᓈᑯᐦᒡᐦ, ᑭᔮᐦ ᒫᒃ ᐋᑳ ᓂᐦᑖ ᐋᐱᑎᐦᒡ ᐅᑖᐦ ᐄᑖᐦᒑ ᑭᔮᐦ ᐋᑳ ᑯᐃᔅᒄ ᐄᔑ ᐋᐱᒋᔥᑖᒡ ᐊᒋᔅᑖᓱᓐᐦ, ᓂᑎᐐ ᑭᔮᐦ ᐋᐦ ᐐᐦ ᐎᓂᒧᔨᐙᑦ ᐅᐦᒋ ᐊᓂᔮ ᐋᔑ ᐐᐦᑎᐦᒃ ᐊᐙᓐ᙮ ᒥᐦᒌᐙᔮᔨᐦᑖᑯᓐ ᒫᒃ ᐋᑳ ᒥᓯᐙ ᒌᐦ ᓂᑳᐦᐄᑭᓂᐤᐦ ᐊᓂᔮᐦ ᐃᔮᐱᒋᔥᑖᒡ ᐊᐙᓂᒌ ᐋᑳ ᒥᔻᔨᒡᐦ ᐊᒋᔅᑖᓱᓐᐦ᙮

ᐊᑎᑎᐤ ᐐᐦ ᒋᔅᒑᔨᐦᑎᒫᒀ ᐅᐦᒋ ᐊᓐ CRTC’s Universal Network-Level Call Blocking ᐐᔓᐙᐎᓐ, ᐋᑯᑎᐦ ᒑ ᐙᐱᐦᑎᒥᓐ https://crtc.gc.ca/eng/archive/2018/2018-484.htm.

ᐅᑖᐦ ᐅᐦᒋ ᐄᔨᔨᐤ ᒧᐹᔨᓪ, ᓈᔥᑖᑆᐦ ᑯᐃᔅᒄ ᓂᐐᐦ ᑭᓂᐙᐱᐦᑖᓈᓐ ᐋᑳ ᓂᐦᐋᒋᐦᐄᐙᒡ᙮ ᐋᑳ ᒌᐦ ᐃᐦᑐᑎᐦᒑ ᐊᓐ ᐊᐙᓐ ᐃᔮᐱᑎᓰᑦ ᒑ ᐐᒋᐦᐄᑖᒄ, ᐅᑖᐦ ᒑ ᐄᔑ ᐹᒋ ᒥᓯᓂᐦᐄᒑᔨᓐ ᓂᑐᐙᐱᐦᒋᑭᓐ ᐋᐦ ᐋᐱᒋᔥᑖᔨᓐ complaints@eeyoumobile.com, ᐋᑯᐦ ᐹᔨᒄ ᐅᒌ ᐅᒋᒫᐅᒡ ᐋᐅᑯᓂᒡ ᒑ ᐐᒋᐦᐄᑖᑯᒡ᙮

ᒋᑭ ᒌᐦ ᐊᔨᒥᐦᐋᐙᐤ ᑭᔮᐦ ᐊᓂᑖᐦ ᐊᐙᓐ ᐃᔮᐱᑎᓰᑦ ᐋᐦ ᒫᒨᐱᔥᑎᐦᒡ ᐋᑳ ᒥᔪᐱᔨᐦᐄᐙᔨᒡ ᒑᒀᔨᐤ᙮ ᐅᐦᐱᒫ ᐅᐦᒋ ᐋᐱᑎᓰᐎᒡ ᐅᒌ ᐊᓂᔮ ᐋᐦ ᐄᑖᐱᑎᓰᒡ ᐋᐦ ᐐᐦ ᒦᓅᐱᔨᐦᑖᒡ ᒑᒀᔨᐤ ᐋᐦ ᐎᔥᑎᐎᔨᐙᔨᒡ ᐅᐦᒋ ᐊᓂᔮ ᒑᒀᔨᐤ ᐃᔮᐱᒋᔥᑖᒡ ᑭᔮᐦ ᓂᔮᓈᑭᒋᔥᑖᒡ, ᑭᔮᐦ ᐋᐦ ᐐᒋᐦᐋᒡ ᐊᓂᔮᐦ ᐹᒥᐱᔨᐦᑖᔨᒡᐦ ᐋᐱᑎᓰᐎᓂᔨᐤ ᐅᐦᒋ ᐊᓂᑎᐦ ᐋᐦ ᐋᐱᑎᓰᒡᐦ, ᐋᑳ ᑎᐱᐦᐋᒧᐦᑎᔮᒡ᙮ ᐃᐦᑎᑯᐦᒑ ᒑᒀᓐ ᐋᑳ ᒥᔪᐱᔨᐦᐄᐙᒡ ᐅᐦᒋ ᐊᓐ ᐋᐦ ᐊᔨᒥᐦᐄᑣᐤ ᐊᐙᓂᒌ, ᐊᓂᒌ ᐃᔮᐱᑎᓰᒡ ᐊᓂᑎᐦ ᐋᐦ ᐄᐦᑖᐙᒄ ᐋᐅᑯᓂᒡ ᒑ ᐐᐦ ᐐᒋᐦᐄᑖᑯᒡ᙮ ᒌᐦ ᐃᐦᑐᑎᒥᓈ ᒫᒃ ᐆ ᑭᔮᐦ ᐊᔮᐱᒡ ᐋᑳ ᒌᐦ ᒦᓄᐱᔨᐦᑖᑣᐙ, ᐋᐅᑯᓂᒡ ᐅᒌ ᒥᔮᒨᐱᒡ ᒑ ᒌᐦ ᐐᒋᐦᐄᑖᑯᒡ᙮

ᐊᑎᑎᐤ ᐐᐦ ᒋᔅᒑᔨᒥᑣᐙ ᐅᒌ ᒥᔮᒨᐱᒡ, ᐋᑯᑖᐦ ᐅᑖᐦ ᒑ ᐄᔅᐱᔨᔨᓐ ᓂᑐᐙᐱᐦᒋᑭᓐ ᐋᐦ ᐋᐱᒋᔥᑖᔨᓐ www.ccts-cprst.ca ᑭᔮᐦ ᒫᒃ ᒑ ᒥᑣᐦᑎᑖᔨᓐ 1-888-221-1687. ᐋᑳ ᑎᐱᐦᐋᒥᓐ᙮ ᐋᑯᑖᐦ ᒦᓐ ᒑ ᒌᐦ ᐄᔑ ᒥᓯᓂᐦᐄᒑᔨᓐ response@ccts-cprst.ca.