About CR

ᐋᐦ ᑎᐹᒋᒥᑭᐎᔮᐦᒡ

ᐋᑯᑎᐦ ᑳᐦ ᐅᐦᒋ ᒋᔥᒋᐱᔨᒡ ᐄᔨᔨᐤ ᒧᐹᔨᓪ 2019 ᐅᑖᐦ ᐅᐦᒋ ᒉᐃᒥᔅ ᐯᐃᐦ ᐄᔨᔨᐤ ᒀᕐᐳᕃᐃᔑᓐ, ᐄᔨᔨᐤ ᑲᒥᔪᓂᑫᐃᔑᓂᔅ ᓀᑦᐎᕐᒃ, ᑭᔮᐦ SSi ᑳᐦᓈᑖᐦ᙮ ᐊᓐ ᔮᔨᑖ ᐙᐦ ᐃᐦᑐᑎᒫᐦᒡ ᐋᐅᒄ ᓈᔥᒡ ᒑ ᒥᔪᐱᔨᐦᐄᐙᒡ, ᒑ ᒥᔻᒡ ᑭᔮᐦ ᐋᑳ ᒑ ᐋᔨᒥᒋᔥᑖᑯᐦᒡ ᐋᐦ ᐋᔨᒥᐦᐄᑐᓈᓂᐎᒡ ᐊᓐ ᒫᐅᒡ ᒫᔖᒡ ᐃᔮᐱᑎᐦᒡ ᐅᑖᐦ ᐄᔨᔨᐅᔅᒌᐦᒡ ᑭᔮᐦ ᐙᔅᑳ ᒉᐃᒥᔅ ᐯᐃᐦ᙮

ᐊᓐ ᐋᔑ ᐱᒥᐱᔨᐦᑖᔮᐦᒡ ᐋᐅᒄ ᒫᐅᒡ ᒥᔥᑏᐦ ᐃᔮᐱᑎᐦᒡ ᐅᑖᐦ ᐊᑎᒫᐲᓯᒽ, ᑖᑆᐦ ᐋᐅᒄ ᒫᐅᒡ ᒫᔖᒡ, ᑭᔮᐦ ᐋᔥᒄ ᐊᑎᑎᐤ ᓂᑯᒋᔥᑖᓈᓐ ᒑ ᒥᔖᒡ᙮ ᐋᐅᒄ ᒥᒄ ᓃᔮᓐ ᐃᔮᐱᑎᔒᔥᑎᒫᐦᒡ 14 ᐃᐦᑖᐎᓐᐦ, ᐱᓖ ᑖᐃᒥᓐ ᒫᔅᑭᓂᐤ ᑭᔮᐦ ᓂᓈᐦᑭᐤ ᐋᐦ ᐄᔑ ᐱᐹᒥᐱᔨᓈᓂᐎᒡ ᑭᔮᐦ ᐊᓂᑕᐦ ᐋᐦ ᐱᔅᒑᒧᒡᐦ ᒫᔅᑭᓂᐤᐦ᙮ ᐋᐦ ᐋᔥᑎᒋᔥᑎᑭᓂᐎᒡ ᐊᓐ ᐃᔨᐱᑎᐦᒡ ᒥᓯᐦᑖ ᑳᐦᓈᑖᐦ, ᐊᑎᑎᐤ ᒥᐦᒑᑐ ᐊᐙᓂᒌ ᓂᑭ ᒌᐦ ᑳᐦᒋᔥᑎᓈᓈᓂᒡ, ᐊᓂᑖᐦ ᐋᐦ ᐄᐦᑖᓂᐎᒡ ᑭᔮᐦ ᒑ ᒌᐦ ᐄᔑ ᐃᐦᑐᑎᑭᓂᐎᒡ᙮

ᑎᐲᐙᐅᓰᐎᓐ ᑭᔮᐦ ᐱᒥᐱᔨᐦᑖᐎᒡ ᐊᓂᒌ ᐊᐙᓂᒌ ᐅᑖᐦ ᐋᐦ ᐃᐦᑖᒡ ᐊᑎᒫᐲᓯᒽ, ᐄᔨᔨᐤ ᒧᐹᔨᓪ ᓂᒥᔮᐅᑖᐦ ᒥᒄ ᐋᑖᐱᑎᓰᑦ ᒑ ᒌᐦ ᐋᐱᑎᓂᔨᒡ ᐊᓂᔮ ᐋᔑ ᐱᒥᐱᔨᐦᑖᒡ᙮ ᒌᔨᐙᐤ ᒋᒋᔅᒋᓰᑎᑖᓈᓐ ᐆ ᑳ ᐅᔑᐦᑖᔮᐦᒡ, ᒑ ᒌᐦ ᒥᔪᐱᔨᒡ ᐅᑖᐦ ᐊᑎᒫᐲᓯᒽ, ᑭᔮᐦ ᒥᒄ ᐊᓂᑖᐦ ᒑ ᒌᐦ ᐄᔑ ᐊᔨᒥᔮᒄ – ᒌᒋᐙᐦᒡ ᐋᐦ ᐄᐦᑖᔮᒄ, ᒫᔅᑭᓈᐦᒡ ᐋᐦ ᐱᒥᐱᔨᔮᒄ, ᑭᔮᐦ ᑖᓂᑖᐦ ᒥᒄ ᐋᑎ ᐃᔨᐦᑖᔮᒄ᙮

ᒑᒀᓐ ᒑ ᐅᐦᒋ ᐋᐱᒋᔥᑖᔨᓐ ᐄᔨᔨᐤ ᒧᐹᔨᓪ?

Coverage

ᐋᐅᒄ ᒫᐅᒡ ᒫᔖᒡ ᐋᐦ ᒥᔪᐱᔨᒡ ᐊᓂᑖᐦ ᐋᑳ ᑯᑎᑭᒡ ᐊᐙᓂᒌ ᒌᐦ ᐃᐦᑐᑎᐦᒡ

Local

ᐅᑎᐦ ᐋᐦ ᑎᐲᐙᐅᓯᓈᓂᐎᒡ ᒌᔨᐙᐤ ᐋᐦ ᒌᐦ ᐅᔑᐦᑖᔮᒄ ᑭᔮᐦ ᒌᔨᐙᐤ ᒑ ᒌᐦ ᐋᐱᒋᔥᑖᔮᒄ

Coverage

ᓂᒧᐐ ᐎᔥᑎᐎᔨᐙᐤ ᒋᑭ ᒌᐦ ᐋᐱᑎᓐ ᐋᑦ ᐋᑳ ᐱᑎᒫ ᒥᓯᓂᐦᐅᓱᓈᓂᐎᒡ ᑭᔮᐦ ᓂᒧᐐ ᑳᑖᑭᓂᐆ ᐄᔨᐗᒡ ᒑ ᒌᐦ ᑎᐱᐦᐋᒧᐎᐦᑎᔨᐙᓂᐎᒡ ᐆ ᐋᐦ ᐋᐱᑎᐦᒡ

Coverage

ᒥᔥᑏ ᒑᒀᓐ ᒋᑭ ᒌᐦ ᐅᐦᒋ ᒋᔅᒑᔨᐦᑖᑯᓐ ᓂᒧᐐ ᒥᒄ ᐊᐱᔒᔥ ᓂᐐᐦ ᐃᐦᑐᑖᓈᓐ ᓂᒥᔮᐅᑖᐦ ᐋᓯᓈᑯᓯᔮᐦᒡ

ᓂᒧᐐ ᓂᐐᐦ ᒋᐱᐦᒋᔥᑖᓈᓐ ᒑ ᒌᐦ ᐊᐱᒋᔥᑖᔮᒄ, ᑖᓂᑎᐦ ᒥᒄ ᐋᑎ ᐃᔨᐦᑖᔮᒄ᙮

ᐐᒋᐦᐄᐙᐦ ᑭᔮᐦ ᒌᔨ ᐄᔨᔨᐤ ᒧᐹᔨᓪ

ᐃᐦᑖᐎᓂᐦᒡ ᐋᐦ ᐅᐦᒋ ᐐᒋᐦᐄᐙᓂᐎᒡ

ᐅᑖᐦ ᐄᔨᔨᐤ ᒧᐹᔨᒡ, ᓂᒧᐐ ᒥᒄ ᐋᐦ ᓲᐦᒋᐱᔨᒡ ᐊᓐ ᐃᔮᐱᑎᐦᒡ ᓂᒋᔅᒋᓰᑎᑖᓈᓐ, ᐋᐅᒄ ᒑ ᒋᔅᒋᓰᑎᑎᒫᐦᒡ ᐋᐦ ᒥᔥᑭᐙᒡᐦ ᐃᐦᑖᐎᓐᐦ᙮ ᒋᑭ ᐙᐱᐦᑖᓐ ᐋᔑ ᔒᑐᔥᑭᒫᐦᒡ ᒋᑎᐦᑖᐎᓂᐙᐦᒡ ᐋᐦ ᐐᒋᐦᑖᔮᐦᒡ ᐋᑎ ᐃᔨᐦᑎᓈᓂᐎᒡ, ᐅᔅᒋᓃᒋᓯᐅᒡ ᐋᐦ ᐱᒥᐱᔨᐦᑖᒡ ᐄᔨᔨᐅᐃᔨᐦᑎᐎᓐ ᐋᐦ ᒌᐦᑳᓈᑯᐦᑖᑭᓂᐎᒡ, ᑭᔮᐦ ᐋᐦ ᐐᒑᐱᑎᓰᒥᒋᐦᒡ ᐊᐙᓂᒌ ᐊᓂᑎᐦ ᒑ ᒌ ᐅᐦᒋ ᒥᔪᐱᔨᒡ ᒑᒀᓐ ᒥᓯᐦᑖ ᐅᑖᐦ ᐋᐦ ᐄᐦᑖᔨᐦᒄ ᐊᑎᒫᐲᓯᒻ᙮

ᔒᑐᔥᑭᑭᓂᐆ ᐅᑖᐦ ᐅᐦᒋ ᐄᔨᔨᐤ ᒧᐱᓕᑏ ᐋᔑᑯᒥᐱᐳᓐ ᐋᐦ ᑯᒋᐦᐄᑐᓈᓂᐎᒡ ᒀᓪᕝ ᑳ ᐄᔑᓂᐦᑳᑖᒡ ᐋᐦ ᒫᑎᐙᓂᐎᒡ ᐅᑖᐦ ᐅᐦᒋ ᒋᓵᓰᐲᐦᒡ ᐋᐦ ᓈᓈᑭᒋᔥᑖᑭᓂᐎᒡ ᒫᑎᐙᐎᓐ ᐋᐦ ᒫᒨᐱᔥᑎᑭᓂᐎᒡ᙮ ᐆ ᒥᔮᑎᐙᓂᐎᒡᐦ ᐋᔑᑯᒥᐱᐳᓐᐦ ᒥᐦᒑᑐ ᒥᑖᐦᑐᒥᑎᓂᐤ ᐐᒋᐦᐄᐙᐎᒡ ᐅᑖᐦ ᐋᐦ ᐅᐦᒌᒡ ᐊᐙᓂᒌ᙮

ᐄᔨᔨᐤ ᒧᐱᓕᑏ ᔒᑐᔥᑭᐙᐅᐎᒡ ᐙᐱᒫᑯᔥᑐ ᑣᒸᐦᐅᒃᔅᐦᐅᑮ ᐋᐦ ᐐᒋᐦᐄᑐᔨᒡᐦ, ᐅᑖᐦ ᐋᐦ ᐅᐦᒋ ᒫᒨᐱᔥᑎᑭᓂᐎᒡ ᐙᐱᒫᑯᔥᑐᐦᒡ ᒫᑎᐙᐎᓐ᙮

ᐄᔨᔨᐤ ᒧᐱᓕᑏ ᐋᔪᐧᐃᒄ ᒦᓐ ᐧᐋᒋᔥᑖᒡ ᐋᐦ ᑯᐧᑳᒋᔅᑭᑎᐦᐅᑐᓈᓂᐧᐃᐧᐃᔨᒡ ᐅᑖᐦ ᒉᐃᒥᔅ ᐯᐃᐦ, ᐋᔑᑯᒥᐱᐳᓐᐦ ᐃᐦᑐᑖᑭᓂᐆ ᐅᑖᐦ ᔑᐳᑯᒨ ᔖᔥ 50 ᑎᐦᑐᐱᐳᓐᐦ ᐋᐦ ᒌᐦ ᐱᒥᐱᔨᐦᑖᑭᓂᐧᐃᒡ᙮ ᓃᔓ ᒫᒃ ᒥᓯᐦᑖ ᐅᑎᐦ ᑳᐦᓈᑖᐦ ᐱᒥᐱᔨᐦᑖᑭᓂᐆ President’s Walk ᑭᔮᐦ Cross-Country ᑳ ᐄᔑᓂᐦᑳᑖᒡ.

ᐄᔨᔨᐤ ᒧᐱᓕᑏ ᐧᐄᒋᔥᑖᐧᐃᒡ ᔑᐳᑯᒨ ᐱᐹᒥᔅᑯᐱᔨᐅᑭᒥᑯᔨᐤ, ᐊᓂᑎᐦ ᒥᔮᑎᐧᐋᒡ ᐋᐦ ᐱᐹᒥᔅᑯᐱᔨᓈᓂᐧᐃᐧᐃᔨᒡ Les Ambassadeurs de Chibougamau ᑳ ᐄᓯᓂᐦᑳᓱᒡ ᑭᔮᐦ ᐋᐦ ᒥᒫᐦᑖᐅᐱᐹᒥᔅᑯᐱᔨᓈᓂᐧᐃᐧᐃᔨᒡ Les Lames Givrées de Chibougamau ᑳ ᐄᓯᓂᐦᑳᓱᒡ᙮

ᐋᔪᐧᐃᒄ ᒦᓐ ᐧᐋᒋᔥᑖᒡ ᐄᔨᔨᐤ ᒧᐱᓕᑏ ᐋᐦ ᑯᐧᑳᒋᐦᐄᑐᓈᓂᐧᐃᐧᐃᒡ ᐋᐦ ᒫᑎᐧᐋᓂᐧᐃᐧᐃᔨᒡ ᐋᐦ ᐱᐹᒥᔅᑯᐱᔨᓈᓂᐧᐃᐧᐃᔨᒡ ᐅᑖᐦ ᔑᐳᑯᒨ᙮ ᐊᔑᑯᒥᐱᐳᓐᐦ ᐆ ᐱᒥᐱᔨᐤ ᐊᐅᔅᑖᐦ ᓃᔥᑎᓂᐤ ᐋᐦ ᒥᓈᔨᑎᒡ ᒫᑎᐧᐋᓲᒡ ᐋᐦ ᑯᒋᐦᐄᑐᒡ ᑭᔮᐦ ᓈᔥᒡ ᐋᐦ ᒥᐦᒑᑎᒡ ᐊᐧᐋᓂᒌ ᐋᐦ ᓈᓈᑭᒋᐦᐄᐧᐋᒡ ᐅᑖᒥᓯᐦᑖ ᐊᑎᒫᐲᓯᒻ ᐃᐦᑎᐧᐃᓐᐦ ᑭᔮᐦ ᐄᔨᔨᐤ ᐃᐦᑖᐧᐃᓐᐦ ᐋᐦ ᐅᐦᒋᐱᔨᒡ᙮

ᐋᔪᐧᐃᒄ ᒦᓐ ᐧᐋᒋᔥᑖᒡ ᐄᔨᔨᐤ ᒧᐱᓕᑏ ᐅᒋᐳᑯᒨ ᐋᐦ ᐅᒋᐧᑳᒋᒑᓂᐧᐃᐧᐃᔨᒡ ᐅᑳᐤᐦ, ᐋᔑᑯᒥᐱᐳᓐᐦ ᐋᐦ ᐱᒥᐱᔨᔨᒡ ᐋᐦ ᐧᐄᐦ ᐅᒋᐧᑳᑖᒡ ᐊᐧᐋᓂᒌ ᒫᐅᒡ ᐋᐦ ᒥᓯᒋᔅᑎᔨᒡᐦ ᐅᑳᐤᐦ᙮ ᐋᑯᑎᐦ ᒑ ᒌᐦ ᐱᑯᐦᐋᑭᓂᐧᐃᒡ $20,00 ᐄᔥᐱᔥ ᔓᐧᐃᔮᓐ ᑭᔮᐦ ᐅᑖᐦ ᔖᐯᐃ ᑭᔮᐦ ᐅᐱᒥᔅᑳᐅᓵᑭᐦᐄᑭᓂᐦᒡ ᐋᑯᑖᐦ ᐧᐋᒋᐧᑳᒋᒑᓂᐧᐃᒡ᙮

ᐋᑯᑖᐦ ᒦᓐ ᐋᔑ ᐧᐄᒋᐦᐄᐧᐋᒡ ᐄᔨᔨᐤ ᒧᐱᓕᑏ ᒋᓵᓰᐲ ᐹᐧᐋᐤ, ᐋᔑᑯᒥᓃᐱᓐ ᐋᐦ ᓃᒥᓈᓂᐧᐃᒡ, ᐋᐦ ᑖᐧᐋᐦᐄᒑᓂᐧᐃᒡ ᑭᔮᐦ ᐋᐦ ᓂᑭᒧᓈᓂᐧᐃᒡ᙮

ᐋᔪᐧᐃᒄ ᐅᔮ ᔖᑐᔥᑭᐦᒡ ᑭᔮᐦ ᐧᐋᒋᐦᑖᒡ ᐄᔨᔨᐤ ᒧᐱᓕᑏ Waswanipi Lightning ᐋᐦ ᑐᐦᐧᐋᓂᐧᐃᐧᐃᔨᒡ, Waswanipi Leisure ᑭᔮᐦ Sports Service ᐧᐋᐦᒋ ᑭᓂᐧᐋᐱᐦᑎᑭᓂᐧᐃᒡ. Waswanipi Leisure ᑭᔮᐦ Sports Service ᐅᑖᐦ ᐧᐋᐧᓵᓂᐲᐦᒡ ᐧᐋᐦᒋ ᐱᒥᐱᔨᐦᑖᑭᓂᐧᐃᒡ ᐋᐦ ᒫᑎᐧᐋᓂᐧᐃᒡ, ᐋᐦ ᐱᐹᒥᔅᑯᐱᔨᓈᓂᐧᐃᒡ, ᓂᓈᐦᑭᐤ ᐋᐦ ᐄᔑ ᑐᐦᐧᐋᓂᐧᐃᒡ ᑭᔮᐦ ᓛᑭᐧᕌᔅ᙮

ᐋᔪᐧᐃᒄ ᒦᓐ ᐧᐋᒋᔥᑖᒡ ᐄᔨᔨᐤ ᒧᐱᓕᑏ ᐋᔑᑯᒥᐱᐳᓐᐦ ᓈᐤ ᒌᔑᑳᐤ ᐋᐦ ᐱᒥᐱᔨᒡ ᐋᐦ ᓂᑭᒧᓈᓂᐧᐃᒡ ᐅᐦᐱᐦᐆᐲᓯᒻ ᐋᑯᒋᒃᐦ ᐱᔥᑎᐧᑳᔮᐅᒡ ᐋᐦ ᓂᑭᒧᒡ᙮ ᐊᐅᔅᑖᐦ 75 ᐃᐦᑎᔓᐧᐃᒡ ᒫᓐ ᐊᐧᐋᓂᒌ ᐅᑎᐦ ᐊᑎᒫᐲᓯᒻ ᑯᐯᒃ ᐋᐦ ᐅᐦᒌᒡ ᐋᐦ ᓅᑯᐦᑖᒡ ᐅᑭᔅᒋᐦᐅᐧᐃᓂᐧᐋᐤ ᐋᐦ ᓂᑭᒧᒡ ᑭᔮᐦ ᐋᐦ ᒋᔅᑐᐦᒋᒑᒡ ᐋᔑᑯᒥᐱᐳᓐᐦ᙮ ᔖᔥ ᒫᒃ ᒥᑖᐦᑐᐱᐳᓐᐦ ᒌᐦ ᐱᒥᐱᔨᐤ ᐆ ᐅᑖᐦ ᔑᐳᑯᒨ᙮ ᐋᐅᒄ ᒫᐅᒡ ᒫᐦᒑᑎᓈᓂᐧᐃᒡ ᐆ ᐋᐦ ᓂᑭᒧᓈᓂᐧᐃᒡ ᐧᐃᔨᐧᐄᑎᒥᐦᒡ᙮

ᐄᔨᔨᐤ ᒧᐱᓕᑏ ᐧᐄᒋᐦᐋᐦᐧᐃᒡ ᔑᐳᑲᒨ ᑯ ᐋ ᕓᐃᓗ ᐋᐦ ᐱᒋᔅᑎᓈᒡ ᔓᐧᐃᔮᓐᐦ ᐋᐦ ᑯᒋᐦᐄᑐᓈᓂᐧᐃᐧᐃᔨᒡ ᑭᕌᓐᑦ ᑌᐃᕓᐃ ᐱᔦᕐ ᓛᕗᐧᐋ ᑳ ᐄᔑᓂᐦᑳᑖᔨᒡ᙮ ᐊᓐ ᑯᐋ ᕓᐃᓗ ᑳ ᐄᔑᓂᐦᑳᑖᒡ ᐋᑯᑎᐦ ᐧᐋᐦ ᒌᐦᑳᔮᔨᐦᑎᑭᓂᐧᐃᒡ ᒑ ᒌᐦ ᒧᔪᐱᒫᑎᓰᓈᓂᐧᐃᒡ ᐅᑎᐦ ᑯᐯᒃ ᓂᓈᐦᑭᐤ ᒑᐧᑳᓐ ᒑ ᒌᐦ ᐃᐦᑐᑎᑭᓂᐧᐃᒡ ᐊᓂᑎᐦ ᒑ ᒌᐦ ᐅᐦᒋ ᒥᔪᐱᒫᑎᓰᓈᓂᐧᐃᒡ᙮ ᒥᒑᑐ ᒋᔖᒥᑖᐦᑐᒥᑎᓂᐤ ᐊᐧᐋᓂᒌ ᐧᐄᒋᐦᐄᐧᐋᐧᐃᒡ…᙮

ᐄᔨᔨᐤ ᒧᐱᓕᑏ ᔒᑐᔥᑭᒻ ᒋᓵᐲᓯᒻ ᐙᐱᒫᑯᔥᑐᐦᒡ ᐋᐦ ᐱᒥᐱᔨᐦᑖᑭᓂᐎᒡ ᐋᑳ ᒑ ᐐᐦ ᐋᐱᒋᔥᑖᑭᓂᐎᒡ ᒥᓂᐦᒀᐎᒡ, ᐅᑎᐦ ᐃᐦᑖᐎᓂᐦᒡ ᐋᐦ ᑭᓂᐙᐱᐦᑎᑭᓂᐎᒡ ᒑ ᐄᔥᐱᔥ ᐊᑯᒋᐦᒃ ᐆ ᐲᓯᒻ, ᐅᒌ ᐅᑎᐦ ᐙᒋᒡ ᒑ ᐄᔑ ᓈᓈᑭᒋᔥᑖᒡ, ᐋᑳ ᒑ ᐱᒫᔨᐦᑎᐦᒡ ᒥᓂᐦᒀᐎᓂᔨᐤ ᑭᔮᐦ ᒥᒋᓂᑐᐦᑯᔨᓐᐦ᙮ ᐆ ᒑ ᐄᔑ ᐱᒥᐱᔨᐦᑖᑭᓂᐎᒡ ᒥᓯᐙ ᐄᔨᔨᐤ ᐃᐦᑖᐎᓂᐦᒡ ᒋᑭ ᑖᐦᑭᐦᐄᒑᐱᔨᐤ.